ඔබ මේ දිනවල නිවාඩුවක් ගත කිරීමට තැනක් සොයමින් සිටිනවාද නැතහොත් අනාගතයේ දී නිවාඩුවක් ගත කිරීමට යාමට සැලසුම් කරමින් සිටිනවාද, එසේ නම් මෙම ලිපිය ඔබ වෙනුවෙන්ම සැකසුණු එකක් වෙයි. නිවැරදි ලැයිස්තුවක් ගැනීමට පහත සඳහන් වන සෑම ස්ථානයකම විශේෂිත අංගයක් කෙරෙහි අවධානය යොමු කරමින් ලොව පුරා පවතින හොඳම නිවාඩු ගමනාන්ත කිහිපයක ව්ස්තර පහත දක්වා ඇත.
1. මාලදිවයින
මාලදිවයින යනු ශ්‍රී ලංකාවට නිරිත දෙසින් සැතපුම් 435 ක් පමණ ඉන්දියානු සාගරයේ පිහිටි දූපත් රැසකින් සමන්විත ඉතාමත් ආකර්ශනීය රටකි. විශ්මය ජනක සුන්දර සංචාරක නිකේතන සහ දර්ශන නිසා එය සංචාරකයන් අතර වඩාත් ජනප්‍රිය සංචාරක ගමනාන්තයකි. පටු ඇවිදීමේ මාර්ගයකින් ප්‍රධාන භූමියට සම්බන්ධ වන ජලය මැද නිදහසේ සැහැල්ලුවෙන් ගත කළ හැකි නිවාඩු නිකේතන මෙහි බොහෝ වශයෙන් ඇත.
ඔබට විවේක ගැනීමට හෝ කරුඅබහුල ජිවිතයෙන් මිදී මඳකට සැහැල්ලුවෙන් කාලය ගත කරන්නට අවශ්‍ය නම් ඒ සඳහා සුදුසුම ස්ථානය මෙයයි. මාලදිවයිනේ නිල භාෂාව වන ධිවේහි භාෂාව වන අතර එය ශ්‍රී ලංකාවේ භාෂාව වන සිංහල භාෂාව සමඟ ඉතා සමීපව සම්බන්ධ වේ. එසේ වුවද, සංචාරක ස්ථානවල ඉංග්‍රීසි කථා කිරීමට ඔබට කිසිදු ගැටළුවක් නොමැත.
2. නවසීලන්තයේ ක්වීන්ස්ටවුන්
ශීත සමයේදී හෝ ගිම්හානයේදී ක්වීන්ස්ටවුන් යනු නිවාඩුවක් ගත කිරීම සඳහා කදිම ස්ථානයකි. ශීත කාලයේදී එය හිම මත ලිස්සා යාම සඳහා මිනිසුන්ගෙන් පිරී ඉතිරී ඇති අතර ගිම්හානයේදී ෂෝටෝවර් ගඟට පහළින් ජල චාරිකා සඳහා එහි මිනිසුන්ගෙන් පිරී ඉතිරී යයි. ක්වීන්ස්ටවුන්හි ඇති ආහාර මම මුළු ලෝකයේම ඇති ආහාර අතරින් අනුභව කළ යුතු හොඳම ආහාර ලෙස සංචාරකයන් පෙන්වා දෙයි. නවසීලන්තයේ ඇති ආහාර ද්‍රවය සියල්ලම පාහේ පොදුවේ අතිශයින් ඉහළ මට්ටමක පවතී.
වකිටිපු විල අසල හෝටල් විශාල ප්‍රමාණයක් ඇත. එහි ජලය ඉතාමත් අඩු උෂ්ණත්වයක පවතී. නමුත් ඔබ ඔබේ හෝටල් කාමරයේ ජනේලයෙන් බලන විට එය ඉතාමත් මනස්කාන්ත සුන්දර දසුනක් වන අතර ඔබට අධික සීතල දරාගත හැකි නම්, ස්නානය කිරීමට නිසැකවම අවසර ඇත. ක්වීන්ස්ටවුන් යනු නවසීලන්තයේ ජෙට් බෝට්ටු සහ බංගි පැනීමේ සඳහා වඩාත් ජනප්‍රියත්වයක් උසුලන රටකි. එහි මිල ගණන් වැඩියි කියා ඔබ සිතන්නේ නම් ඔබට සෑම විටම අසල පිහිටි ඇරෝටවුන් වෙත ගොස් නවසීලන්තයේ පැරණි පතල් නගරයක රත්රන් ගැරීම සඳහා ඔබට උත්සහ කළ හැකිය. එමෙන්ම නවසීලන්තය යනු ලෝකයේ වඩාත්ම මිත්‍රශීලී පුද්ගලයින් වාසය කරන රටක් බවද අමතක කරන්නෙපා.
3. ප්‍රංශයේ පැරිස්
ආදර නගරය හෙවත් පැරිස් යනු ආදරණියන් හා ප්‍රනීත ආහාර සඳහා වඩාත් ජනප්‍රිය නගරයක් බව කවුරුත් දනිති, ප්‍රංශයේ ඇති බොහෝ ආහාර හුදෙක් කැපී පෙනෙන අතර ඒවා අනෙක් රටවල ආහාර වලට සාපේක්ෂව අසමසම යැයි සංචාරකයන්ගේ මතයයි. ඔබේ අතේ ඇති මුදල් ප්‍රමාණයට සරිලන පරිදි ඔබට ඉතා මිල අඩු හෝටල්වල හෝ ඉතා මිල අධික හෝටල්වල රැඳී සිටීමේ හැකියාව ප්‍රංශයේ සංචාරය කරන ඔබට හිමිවේ. ඔබ පැරීසියේ සංචාරය කරන්නට අදහස් කරනවා නම් අනිවාර්යෙන්ම ප්‍රංශයේ ප්‍රනීත ආහාර සහ වයින් රසවිඳීම සඳහා ප්‍රමාණවත් මුදලක් ඉතිරි කර ගැනීමට වග බලා ගන්න.
ඔබ පැරීසියේ වීදි ඔස්සේ ඇවිද යන විට පහත දේවල් කරන්නට අමතක කරන්නෙපා.
1) චැම්ප්ස් එලිසී හි ලා ඩියුරි හි මැකරෝන් අනුභව කරන්න (ඔබ මේවා රස බලන විට ඔබට එය පාලනය කරගත නොහැකි වනු ඇත!ඒවා ඒ තරමටම රසවත්ය)
2) බර්තිලන්හි අයිස්ක්‍රීම් අනුභව කරන්න ඒවා ලෝකයේ ඇති හොඳම අයිස්ක්‍රීම් බව සංචාරකයන් පවසයි. ( ඒවා මුළුමනින්ම ස්වාභාවික අමුද්‍රව්‍ය වලින් සාදණු ලබයි),
3) මතක ඇතුව පියරේ හර්මේ හි පේස්ට්‍රි අනුභව කරන්න. බොලිවාර්ඩ් හෝස්මන් හි සොයාගත නොහැකි, ඇදහිය නොහැකි දෙපාර්තමේන්තු ගබඩාව වන ප්‍රින්ටෙම්ප්ස් පරීක්ෂා කිරීමට ද අමතක නොකරන්න.
4. ඇමරිකා එක්සත් ජනපදයේ නිව්යෝර්ක්
එක්සත් ජනපද ඩොලරය අඩු මට්ටමක පැවතීම නිසා ඇමරිකානුවන් නොවන අයට නිව්යෝර්ක් වෙත ගොස් තැරව් කිරීමට මෙය කදිම අවස්ථාවකි. ඊට අමතරව, ඔබට එක්සත් ජනපදයේ සුන්දරම නගර දර්ශන දැක ගත හැකි අතර ඇදහිය නොහැකි තරම් කාර්යබහුල නගරයක කඩිමුඩිය රිසි සේ අත්විඳිය හැකිය. නිව්යෝර්ක්හි රජයේ උද්‍යාන රාශියක් සහ ප්‍රධාන වන සංරක්ෂණ දෙකක් ඇත. වර්මොන්ට් ප්‍රාන්තයේ දළ වශයෙන් විශාලම සහ එක්සත් ජනපදයේ විශාලතම රාජ්‍ය උද්‍යානය වන ඇඩිරොන්ඩැක් උද්‍යානය 1892 දී පිහිටුවන ලද අතර 1894 දී රාජ්‍ය ව්‍යවස්ථාමය ආරක්ෂාව එයට ලබා දෙන ලදී.
ඔබ නිව්යෝර්ක් හි සංචාරය කරන්නේ නම් ප්‍රධාන ගමනාන්ත අතරට එම්පයර් ස්ටේට් ගොඩනැගිල්ල, එලිස් දූපත, බ්‍රෝඩ්වේ රඟහල නිෂ්පාදන, කෞතුකාගාර මෙට්‍රොපොලිටන් කලා කෞතුකාගාරය ලෙසත්, සෙන්ට්‍රල් පාර්ක්, වොෂිංටන් චතුරශ්‍ර උද්‍යානය, රොක්ෆෙලර් මධ්‍යස්ථානය, ටයිම්ස් චතුරශ්‍රය, බ්‍රොන්ක්ස් සත්ව උද්‍යානය, නිව්යෝක් උද්භිද උද්‍යානය, පස්වන හා මැඩිසන් මාවත්වල සුඛෝපභෝගී සාප්පු සවාරි සහ හැලොවීන් පෙළපාළිය වැනි සිදුවීම් ග්‍රීන්විච් විලේජ්, ට්‍රිබිකා චිත්‍රපට උළෙල සහ සමර් ස්ටේජ් හි සෙන්ට්‍රල් උද්‍යානයේ නොමිලේ ප්‍රසංග තම අන්චාරක ගමනාන්ත අතරට එක් කරගන්නට අමතක නොකරන්න.
නිව් යෝර්ක් හි පවතින ආහාර සංස්කෘතිය, නගරයට පැමිණි සංක්‍රමණිකයන් සහ විශාල භෝජන අනුග්‍රාහකයන්ගේ බලපෑම මත වෙනස් වේ. යුදෙව් සහ ඉතාලි සංක්‍රමණිකයන් නිව්යෝර්ක් වෙත පැමිණීමත් සමඟ බේගල්, චීස්කේක් සහ නිව් යෝර්ක් අනන්යත්වය බඳු වූ පීසා සඳහා නගරය වඩාත් ප්‍රසිද්ධ විය. ඇමරිකා එක්සත් ජනපදයේ හොඳම මුළුතැන්ගෙවල් සහිත අවන්හල් ද නගරය තුළ තිබේ.
5. චීනයේ හොංකොං
හොංකොං නිතරම විස්තර කරනුයේ නැගෙනහිරට බටහිරට මුණගැසෙන සන්ධිස්ථානයක් බවයි. එමඟින් එහි ආර්ථික යටිතල පහසුකම්, අධ්‍යාපනය සහ වීදි සංස්කෘතිය මනාව පිළිබිඹු කරයි. එක් වීදි කොනක, චීන ඖෂධ පැළෑටි, බෞද්ධ උපකරණ හෝ කෘතිම මෝර වරල් සුප් බඳුන් අලෙවි කරන සාම්ප්‍රදායික චීන වෙළඳසැල් තිබිය හැකිය. නමුත් ඊළඟට තවත් වීදියක කෙනෙකුට නවතම හොලිවුඩ් බ්ලොක්බස්ටර්, ඉංග්‍රීසි විලාසිතාවේ පබ්, කතෝලික පල්ලියක් හෝ මැක්ඩොනල්ඩ්ස් අවන්හල්, සිනමාහල් සොයාගත හැකිය. නගරයේ ඇති විශ්වීය රසය වීදි පුරා ඇති විවිධාකාර ආහාරපානවල දැකිය හැකිය.
විවිධ වර්ගයේ චීන වරණයන්, විශේෂයෙන් මුහුදු ආහාර වඩාත් ජනප්‍රිය වන අතර යුරෝපීය, ඇමරිකානු, ජපන්, කොරියානු සහ වෙනත් අවන්හල් ද තිබේ. චා චාන් ටෙන්ග් සහ ඩයි පයි ඩොංගේ සේවය කරන ජනවාර්ගික කෑම ද හොංකොං හි ජනප්‍රියය. හොංකොං හි ජනතාව ඔවුන්ගේ ආහාර ඉතාමත් වැදගත් අංගයක් ලෙස සලකන අතර බොහෝ දක්ෂ සූපවේදීන් මෙම රාත්‍රී භෝජන සංග්‍රහයට ඔවුන්ගේ දක්ෂතා පෙන්වීමට නගරයට පැමිණෙති. හොංකොං රජය විසින් හොංකොං උරුම කෞතුකාගාරය, හොංකොං කලා කෞතුකාගාරය, ප්‍රසාංගික කලා සඳහා හොංකොං ඇකඩමිය සහ හොංකොං ෆිල්හාර්මනික් වාද්‍ය වෘන්දය වැනි සංස්කෘතික ආයතනවලට ද සහාය වේ.
6. වැනීසිය ඉතාලිය
වැනීසිය යනු පුදුමාකාර නගරයකි. නගරය එහි ඉතිහාසය ඇදහිය නොහැකි තරම් පුදුම දෙයක් වනවා පමණක් නොව, එහි ආහාර, ගෘහ නිර්මාණ ශිල්පය සහ එහි සුවිශේෂත්වය විශ්මය දනවන තරම්ය. ගිම්හානය හා ශීත කාලය යන ද එම සෘතු දෙකේදීම සංචාරයක් සඳහා ඉතා සුදුසු බව නගරයකි වැනීසිය. ගිම්හානයේදී එය ඉතා උණුසුම් හා ජනාකීර්ණ වන අතර ශීත සෘතුවේ දී එය එතරම් ජනාකීර්ණ නොවේ. ඔබ පැරණි දේවස්ථාන ගැන උනන්දුවක් දක්වන්නේ නම්, ඔබ යා යුතුම ස්ථානය මෙයයි සෑම අස්සක් මුල්ලක් නෑරම වැනිසියේ දේවස්ථාන දැකගත හැකිය. නගරයේ වාතාවරණය අභිරහස් නමුත් පොහොසත් සංස්කෘතියකි.
සැන් මාකෝ චතුරශ්‍රයට මීටර් කිහිපයක් ඈතින් පිහිටි හෝටල් බවර් සඳහාද ඔබ යා යුතුමය. වැනීසියේ දක්නට හොඳම දේවලින් එකක් නම් ඔබට ඔබේ සිතැඟි පරිදි හෝටලයෙන් පිටව ගොස් නගරය පුරා ඇවිදීම සිදු කළ හැකිය. ඔබට සිතියම් ගැන හෝ මාර්ගයන් පිළිබඳව කරදර වීමට අවශ්‍ය නැත, ඔබ නගරය තුල ඇවිද අවසානයේදී නැවත හෝටලයට යන මාර්ගය පහසුවෙන්ම සොයා ගැනීමට හැකි වනු ඇත. කුඩා අඳුරු මං තීරු ගවේෂණය කිරීමටද මෙය කදිම අවස්ථාවකි. වැනීසියේ සංචාරය කරන විට ගොන්ඩෝලා හි ගමනක් යාමට අනිවාර්යෙන් වග බලා ගන්න. නමුත් ඒ සඳහා ඔබට තරමක් විශාල මුදලක් ගෙවීමට සිදුවනු ඇත.
7. පියොංයැං උතුරු කොරියාව
උතුරු කොරියාව බුද්ධිය සඳහා සඳහා වඩාත් ප්‍රචලිත රටකි. උතුරු කොරියාව ස්ටැලින්වාදී කොමියුනිස්ට්වාදයේ අවසාන බලකොටුව වූ බව පැවසිය හැකිය. උතුරු කොරියාව බැලීමට වීසා බලපත්‍රයක් ලබා ගැනීම ඉතා අපහසු වන අතර ඔබ එසේ කළහොත් එය ඔබ ගත කරන මිල අධිකම නිවාඩු දිනයක් වනු ඇත. නමුත් ඔබට උතුරු කොරියාවේ සංචාරය කිරීමට අවස්ථාවක් ලැබුනොත් ඔබට එහි සංචාරය කර ඇති බවට පැවසිය හැකි ඉතා කුඩා පිරිස අතරට එක වීමට අවස්ථාව ලැබෙනු ඇත.
දැනට ඇති සෑම වාර්තාවකටම අනුව එහි ආහාර අතිශයින්ම රසවත් බව කියවේ. ඔබ තරමක කාලයක් බලා සිටියහොත්, එහි කරුණු පැහැදිලි කිරීම සඳහා ඔබට මුළු කාලය පුරාම සංචාරක මඟ පෙන්වීමක් ලැබෙනු ඇත. ඔබට සුපිරි සාප්පු මධ්‍යස්ථානයකට ගොස් සාප්පු යෑමට මුදල් ගෙවන පුද්ගලයින් නැරඹිය හැකිය. ඔබට එහි අප්‍රේල් මස දී යාමට අවස්ථාවක් හිමි වූයේ නම් සෑම වසරකම අප්‍රේල් 15 වන දින පවත්වනු ලබන පුදුමාකාර මහා ක්‍රීඩා සැණකෙළිය නැරඹීමට ඔබට අවස්ථාවක් ලැබෙනු ඇත.
8. කේප් ටවුන් දකුණු අප්‍රිකාව
කේප් ටවුන් යනු දකුණු අප්‍රිකාවේ තුන්වන වඩාත් ජනාකීර්ණ නගරය වන අතර එහි පවතින සෞම්‍ය දේශගුණය සහ ස්වාභාවික පසුබිම නිසා වඩාත් ජනප්‍රිය සංචාරක ගමනාන්තයක් ලෙස හැඳින්විය හැකිවේ. එය සුප්‍රසිද්ධ ටේබල් කන්දෙහි පිහිටි නගරයයි. නගරයේ පවතින අද්විතීය භූමි ලක්ෂණ නිසා, එකම දිනයක විවිධ වෙරළ තීරයන් නැරඹීමේ අවස්ථාව ඔබට ලැබේ, එම සෑම වෙරළ තීරයකමැ එකිනෙකට වෙනස් පසුබිමක් සහ වායුගෝලයක් ඇත. කේප් ටවුන් එහි වාස්තු විද්‍යාත්මක උරුමය සඳහා ප්‍රසිද්ධියක් උසුලයි.
නගරයේ රාත්‍රී ජීවිතය සියලු රුචිකත්වයන් සපුරාලන අතර, දකුණු අප්‍රිකාවේ හොඳම ආහාරපාන ඇතුළුව සාමාන්‍යයෙන් පිළිගත් අවන්හල් සහ කැෆේ වර්ග රාශියක් ඇත. ලෝන්ග් වීදියේ ඉහළ කෙළවර සහ එහි ආසන්න වටපිටාව මෙන්ම නැවත සංවර්ධනය කරන ලද කේප් මැලේ කාර්තුව වන ඩි වෝටර්කාන්ට් ඇතුළු ජනප්‍රිය ප්‍රදේශවලින් රාත්‍රී සමාජශාලා සහ බාර් බහුලව තිබේ.
9. සිඩ්නි ඕස්ට්‍රේලියාව
ලෝකයේ වඩාත්ම මාරාන්තික ජීවීන් සිටීම හැරුණු විට සිඩ්නි යනු අපූරු ස්ථානයකි. එහි සෑම විටම විචිත්‍රවත්බව පැතිරෙමින් තිබෙන අතර විශේෂයෙන් රාත්‍රියේදී පවා ඉතාමත් අලංකාර නගරයක් ලෙස සිඩ්නි හැඳින්විය හැකිය. ඔබ රාත්‍රී ජීවිතය ප්‍රිය කරන්නෙක් නම් සිඩ්නි යනු ඔබට ගැලපෙනම ගමනාන්තයයි. ඕස්ට්‍රේලියානු ජනතාව ඉතා මිත්‍රශීලී වන අතර එහි අපරාධ අනුපාතය ඉතාමත් පහල මට්ටමක පවතී.
සිඩ්නි වරාය පාලම යට පාවෙමින් සිටියදී ඔබට රාත්‍රියේ වරායේ නෞකාවකට ගොස් රාත්‍රී ආහාරය ගත හැකිය, නැතහොත් විස්මිත හා අද්විතීය ශාක හා සත්ත්ව විශේෂ දැක බලා ගැනීමට ඔබට ගම්බද ප්‍රදේශයකට යා හැකිය. ලොව තුන්වන කාර්යබහුලම ඔපෙරා සමාගමේ නිවහන වන සුප්‍රසිද්ධ සිඩ්නි ඔපෙරා හවුස් හි ඔබට අමතක නොවන සන්ධ්‍යාවක් ගත කළ හැකිය.
සිඩ්නි හි වඩාත් ජනප්‍රිය රාත්‍රී ස්ථාන අතර කිංග්ස් ක්‍රොස්, ඔක්ස්ෆර්ඩ් වීදිය, ඩාර්ලිං වරාය, සර්කියුලර් ක්වේ සහ ද රොක්ස් ඇතුළත් වන අතර ඒවා සියල්ලම විවිධ බාර්, රාත්‍රී සමාජශාලා සහ අවන්හල් වලින් සමන්විත වේ. ස්ටාර් සිටි කැසිනෝ, සිඩ්නි හි පිහිටි එකම කැසිනෝ ශාලාව වන අතර එය පිහිටා ඇත්තේ ඩාර්ලිං වරාය අසලය.
10. මොන්ටේ කාලෝ මොනාකෝ
ඔබ බොන්ඩ් ආකාරයේ නිවාඩුවක් ගත කරන්නට ප්‍රිය කරන්නෙක් නම්, මෙය අනිවාර්යයෙන්ම ඔබට සුදුසුම ස්ථානයකි. නමුත් මුදල් නොමැතිව නැවත නිවසට පැමිණීමට ඔබ සූදානම්ව සිටිය යුතුයි. නමුත් එහි ගත කරන මතකයන් ඔබ සදහටම අගය කරනු ඇත. මෙය ධනවත් නගරයකි. ඔබ දැන සිටියාද, මොනාකෝ හි පුරවැසියන්ට කැසිනෝවලට ඇතුළුවීමට අවසර නැති බව?
ඔවුන් ද බදු වලින් නිදහස් කර ඇති අතර මෙය ලෝකයේ ප්‍රකෝටිපතියන්ගේ ජනප්‍රිය ස්ථානයක් බවට පත් කරයි. සූදුව මෙන්ම මොන්ටේ කාලෝ ෆෝමියුලා වන් මොනාකෝ ග්‍රෑන්ඩ් ප්‍රීක් සහ බොහෝ විලාසිතා සංදර්ශන මෙහි පවත්වයි. ඇත්ත වශයෙන්ම, මෙම රට 1982 දී මිය යාමට පෙර ඇමරිකානු නිළියක වූ ග්‍රේස් කෙලීගේ නිවහන විය.