ලෝකයේ සිටින පිලිහුඩුවන්ගේ තොරතුරු

 

ලෝකයේ සිටින පිලිහුඩුවන්ගේ තොරතුරු ..................

  

📍මසුන් දඩයම් කරන්නන් අතර රජු හෙවත් kingfisher යනුවෙන් මෙම පිළිහිඩුවන්  හැඳින්වෙති. ලොව පුරා බොහෝ ස්ථානවල දී පිළිහුඩුවන් දැකගත හැකිය. එහෙත් මොවුන් අතරින් තිදෙනෙකු මසුන් දඩයම් නො කිරීම ද විශේෂත්වයකි.දිය යට සිටින මසුන් ඇල්ලීම සඳහා  විශේෂිත වූ සිරුරක් ඔවුන්ට ලැබී ඇත............

☘️  නීලවර්ණ පිලිහුඩුවා 

සිරුරේ නිල් පැහැයට හුරු පැහැය නිසා පක්ෂියාට මෙම නම ලැබී ඇත. කුඩා නිල් පිලිහුඩුවා  යන නමින්ද, හදුන්වයි.පපුවේ  සුදු පැහැති සලකුණක් දැක ගත හැකිය. සාමාන්‍ය පිලිහුඩුවාට බොහෝ සෙයින් සමානය........... 

▫️ ප්‍රදේශ - ඉන්දුනීසියාව ඇතුළු අග්නිදිග ආසියානු කලාපයේ .

▫️ ආහාර - ජලජ කෘමින්, ක්‍රස්ටේෂියාවන් ,කුඩා මසුන්.

▫️ දිග - සෙන්ටිමීටර 13 ක් පමණ .

▫️ බර - ග්‍රෑම් 34 - 46ක් පමණ.

 ☘️ බෙල්ටඩ් කින්ෆිෂර් 

 අලු පැහැය  පදනම් කරගත් ශරීර වර්ණයක් ඇත. හිස විශාලය. ඔටුන්නක් වැනි පිහාටු පිහිටා ඇත.කුරුල්ලා කිරිල්ලියට වඩා දීප්තිමත්ය.පපුවේ නිල් පැහැ පටියක් ඇත............  

▫️ ප්‍රදේශ -  ඇමරිකා එක්සත් ජනපදය, කැනඩාව.

▫️ ආහාර - උභය ජීවීන්, කෘමීන්, මත්ස්‍යයන්, උරගයන් 

▫️ දිග -  සෙන්ටිමීටර 48 - 58.

▫️ බර - ග්‍රෑම් 113 - 178 

☘️ සුදු උගුරක් ඇති පිලිහුඩුවා 

 සුදු පැහැ පපුවක් ඇති පිලිහුඩුවා ලෙසින්ද හඳුන්වයි.දැනට උප විශේෂ හයක් හඳුනාගෙන ඇත.පිහාටු නිල් පැහැතිය.ශ්‍රී ලංකාවේ වෙසෙන්නේ එක් උප විශේෂයකි. හිස දුඹුරු පැහැතිය.  හොට රතු පැහැතිය.

▫️ ප්‍රදේශ - තුර්කිය, ඉන්දියා උප මහද්වීපයේ සිට  අග්නිදිග ආසියාව.

▫️ ආහාර -   කුඩා මසුන් , ගොඩබිම වෙසෙන කෘමීන් .

▫️ දිග - සෙන්ටිමීටර 27 - 28 පමණ .

▫️ බර -  ග්‍රෑම් 65 - 81 

☘️ කොල පිලිහුඩුවා 

 අනෙකුත් පිළිහුඩුවන් මෙන් නොව  සිරුර කොළ පැහැයට හුරුය. කුරුල්ලාට වඩා කුඩා කිරිල්ලියගේ පපුවේ තැඹිලි පැහැ සළකුණක් ඇත.උප විශේෂ පහක් හඳුනාගෙන තිබේ. වනාන්තරයේ සහ කඩොලාන ආශ්‍රිතව වාසය කරයි.

▫️ ප්‍රදේශ - ඇමරිකා එක්සත් ජනපදයේ ටෙක්සාස් සහ මධ්‍යම සහ දකුණු ඇමරිකාව.

▫️ ආහාර - මසුන්, ජලයේ වෙසෙන කෘමීන්.

▫️ දිග -  සෙන්ටිමීටර 20 පමණ 

▫️ බර -  ග්‍රෑම් 33 - 35 පමණ .

☘️ අළු හිස ඇති පිලිහුඩුවා

 අළු පැහැයට හුරු හිසක් ඇත . දීප්තිමත් නිල් පැහැ වලිගයක් පිහිටා ඇත .වියලි බිම් ආශ්‍රිතව වාසය කරයි . තනිව හෝ ජෝඩු වශයෙන් දැකගත හැකිය .

▫️ ප්‍රදේශ -  අප්‍රිකා සහ අරාබි නිවර්තන කලාපයේ .

▫️ ආහාර -  මාළුන්, කුඩා කෘමීන් වර්ග .

▫️ දිග - සෙන්ටිමීටර 21 

▫️ බර - ග්‍රෑම් 41- 60 

☘️ මල් පිලිහුඩුවා 

 කුඩා පිලිහුඩුවෙකු වන  මොහුගේ උප විශේෂ හතක් සිටී.කෙටි වලිගයක් සහ ලොකු හිසක් ඇත. සිරුරේ  ඉහළ කොටස නිල් පැහැතිය. යට කොටස තැඹිලි පැහැතිය.හොද දෘෂ්ටියක් ඇත.

▫️ ප්‍රදේශ - යුරේසියානු කලාපය සහ උතුරු අප්‍රිකානු ගංගා.

▫️ ආහාර -  මාළුන්, කුඩා කෘමීන් වර්ග.

▫️ දිග -  සෙන්ටිමීටර 25 

▫️ බර -  ග්‍රෑම් 34 - 46 

☘️ පුල්ලි වැටුන පිලිහුඩුවා

 දැනට ලොව උප විශේෂ 5 ක් හඳුනාගෙන ඇත.කළු සහ සුදු පැහැ සිරුරක් ඇත.කුරුල්ලන්ගේ පපුවේ කළු පැහැ පටි දෙකක් ඇත. කිරිල්ලියන්ගේ ඇත්තේ එක පටියකි.එයද මැදින් බෙදී ඇත.

▫️ ප්‍රදේශ -  අප්‍රිකාව සහ ආසියානු ගංගා ආශ්‍රිතව.

▫️ ආහාර - මසුන්, කෘමීන් ,උරගයන්.

▫️ දිග -  සෙන්ටිමීටර 25 

▫️ බර -  ග්‍රෑම් 35 - 45